CEBU, Philippines - Nadakpan sa kapolisan ang usa ka level 2 nga drug pusher nga babaye sa Sitio Commonwealth, Barangay Ibo, dakbayan sa Lapu-Lapu sa buy-bust operation niadtong Lunes.
Si PO1 Junnel Dizon sa kapolisan sa Presinto 5 miila sa nadakpan nga mao si Marissa Villaran Vilejos, 35, nagpuyo sa maong dapit.
Ang operasyon gipangulohan ni Senior Inspector Junnel Kaadlawon nga miresulta sa pagkasikop sa suspek ug pagkasakmit sa siyam ka mga gagmay nga paketeng shabu, upat ka tin foil ug napulo ka P50 nga salapi nga ilang gituohang halin niini
Ang kaso nga kalapasan sa Section 5, Section 11 sa Article 2 ubos sa Republic Act 9165 o Comprehensive Dangerous Drug Act of 2002 maoy ilang giandam nga kaso batok sa maong dinakpan nga babaye nga kasamtangan na karong gibalhog sa bilanggoan. (BANAT NEWS)