CEBU, Philippines - Philippine National Police Chief, Director General Alan Purisima mimando sa Police Regional Office-7 nga dalion ang pagsulbad sa pag-ambush patay ni Atty. Noel Archival ug duha niya ka kauban.
Sumala pa sa hepe sa Directorate for Investigation and Detective Management (DIDM) sa Camp Crame nga si Chief Supt. Augusto Marquez Jr. nga gusto ni Purisima nga masulbad sa labing daling panahon ang maong kaso.
Apan wala hinuoy gihatag nga tagal si Purisima sa kapolisan.
“Part of the directive of the PNP Chief that we have to concentrate on the cases involving prosecutors, lawyers, journalists and the likes but it doesn’t mean that ‘yung ordinary people hindi bibigyan nang attention,†matud ni Marquez.
Samtang gihangop sa kapolisan ang buwag nga imbestigasyon nga gihimo karon sa National Bureau of Investigation (NBI) sa maong ambush.
“It is a welcome development for us we will provide them the information and evidence gathered in the scene,†matud ni Police Regional Office-7 director Danilo Constantino.
Andam sab nga mosuporta sa NBI ang kapolisan kun ugaling duna kini pasakaan og kaso kalabot sa pagpatay ni Archival.
Samtang gimonitor karon sa Regional Intelligence Division ang report kabahin sa presensya sa mga robbery groups ug mga gun-for-hire groups gikan sa Mindanao nga nag-operate sa Negros Oriental kun duna ba kini kalabotan sa pagpatay ni Archival.
Ang assistant chief sa RID nga si Supt. Rex Derilo miingon nga ang maong mga grupo dunay kapasidad sa pagbuhat og krimen sama sa pag-ambush ni Archival. (BANAT NEWS)