CEBU, Philippines - Sa pagsugod sa opening salvo niadtong Oktubre 1, 2013 alang sa kasaulogan sa kapistahan sa patrona sa dakbayan sa Talisay nasuta na ang kahuot sa karsada tungod sa mga manindahay.
Ang siyudad magsaulog sa kapistahan ni Santa Teresa de Avila karong Oktubre 15, 2013. Si Supt. Resty Santos, officer-in-charge sa Talisay City Police Station mibutyag kagahapon nga ang ubang mga manindahay halos na kini mag-ali sa agianan sa simbahan.
Matag gabii na karon dunay ipahigayong novena diha sa Santa Teresa de Avila Parish sa barangay Poblacion ug tungod kay gamay man ang dalan misamot ang kahuot niini tungod sa mga stalls.
Miawhag si Santos sa mga hingtungdan nga unta ipahiluna sa laing lugar ang mga stalls aron dili makabalda sa trapiko sa Poblacion.
Kahinumduman nga sukad pa kaniadto inig paingon na sa pista sa dakbayan ang siyudad motugot sa mga vendor nga maninda diha sa lugar. Ang maong mga vendor magbayad kini og permit gikan sa siyudad aron makapaninda. (BANAT NEWS)