Siete Palabras ipasundayag sa Cathedral

CEBU, Philippines — Sama sa nangaging mga Semana Santa, naa gihapon ang tradisyonal nga Siete Palabras karong tuiga. Ang Archdiocese of Cebu mipagawas na sa mga pangalan sa mga mopaambit sa Passion ug kamatayon sa Ginoo diha sa Cebu Metropolitan Cathedral karong Biyernes nga magsugod sa alas-2 sa udto hangtud sa alas-3 sa hapon.

Ang mohatag sa pasiuna mao ang Vice-Rector sa San Carlos Seminary Rev. Fr, Charles Louis Jayme; Unang pulong  Amahan Pasayloa sila kay wala sila masayod sa ilang Gbuhat  nga ipaambit ni Honorable Hilario G. Davide Jr, Retired Chief Justice sa Supreme Court, Retired Philippine Ambassador to U.N-New York ug Sir Knight Grand Cross of St. Sylvester; ikaduhang pulong "AMEN, SULTIHAN KO IKAW, KARONG ADLAWA ADTO KA SA PARAISO UBAN KANAKO." Ihatag ni Msgr. Joe D. Tahanlangit, HP, Spiritual Director Cebu Archdiocesan Lay Tertiary Council; Ikatulong pulong "BABAYE, ANIA ANG IMONG ANAK; ANAK, ANIA ANG IMONG INAHAN." Tigpamaba mao si Mrs. Merela A. Cabalquinto, Ed.D. President, Carcar Parish Pastoral Council President, Association of Lectors and Cantors, Adviser, Cofradia de Santa Catalina ug Adviser/Trainor, Carcar Catechists Lesson Planner; ikaupat nga pulong "DIOS KO, DIOS KO, NGANONG GIBIYAAN MO AKO?" Speaker: Rev. Fr. Raph dela Pieza, On Study Leave - Civil Law Studies ug kasamtangan Priest-resident at Spiritual Pastoral Formation Year House; Ikalimang Pulong "GIUHAW AKO!" ipaambit ni Rev. Fr. Leinad Castrence R. Garces

Principal, Academia de San Miguel Arcangel; Ikaunom nga Pulong "NATAPOS NA." diin si Ms. Haidee Emmie K. Palapar, Volunteer, Cebu Caritas Inc. - Commission on Service and Cebu Archdiocesan Commission on Social Communication Our Lady of the Sacred Heart Parish   Capitol ang mosaysay niini.; ikapitong pulong "AMAHAN, SA IMONG MGA KAMOT ITUGYAN KO ANG  AKONG  KALAG." Speaker: Rev. Fr. Januario Kipling U. Agravante IV, Episcopal Vicar - District 8 Near North, Gethsemane Parish Moderator - Team of Pastors.

Ang panapos nga pulong ihatag ni Archbishop Jose Palma. Giawhag niya ang   mga magtutuo nga mouban ug mamalandong sa mga pulong sa Ginoo. Ang Siete Palabras sa Cebu Metropolitan Cathedral madungog usab sa Radio DyRF1215 ug uban pa mga kalihukan sa simbahan. (BANAT NEWS)