CPA pabalhinon ni Rama ngadto sa Consolacion

CEBU, Philippines — Si Mayor Michael Rama sa Dakbayan sa Sugbo nipadayg nga gusto niini nga mobiya ang Cebu Port Authority sa siyudad ug mobalhin ngadto sa Lungsod sa Consolacion.

Matud ni Rama nga gusto niyang mobiya ang CPA, CIP ug moadto sa Lungsod sa Consolacion aron ilang mahapnig ang pier.

Gibutyag ni Rama nga iyaha kining lihokon atol sa iyang pagbisita ngadto sa kaulohan.

Si Rama niluwat sa maong pamahayag samtang wala pa kini molakaw alang sa iyang official nga biyahe paingon ngadto sa Taiwan.

Ang pamahayag sa mayor tubag kini sa pamahayag sa CPA nga ang Cebu Base Port wala sa territorial jurisdiction sa Siyudad sa Sugbo.

Ang pagkalakip sa pamahayag ni Rama kabahin sa Lungsod sa Consolacion tungod sa bag-o nga Cebu International Container Port nga tukoron diha sa maong dapit.

Sayo pa, ang Office of the Building Official nipasang-at og kasong kriminal ug administratiba batok sa CPA ngadto sa Ombudsman Visayas tungod sa pag-construct sa pipila ka mga estraktura nga walay permit. (BANAT NEWS)