Tindahan sud sa compound sa simbahan sa talisay gilungkab
CEBU, Philippines — Gilungkab ang usa ka tindahan nga naa sulod sa compound sa simbahan sa Barangay Poblacion, Dakbayan sa Talisay.
Nadiskubrehan sa tag-iya sa tindahan ang pagpanglungkab kagahapon sa buntag sa dihang sila nangabli.
Si Mary Jane Valenciano nipadayag nga giguba sa kawatan ang pultahan sa ilang tindahan gamit ang martilyo.
Sa dihang nakasulod na kini gipangkuha ang ilang kinitaan nga moabot sa P10,500, cellphone, bag ug mga pagkaon sa tindahan.
Si Valenciano nitataw nga dali siya nga nagpablotter sa kapolisan human iyang nadisubrehan nga pagpanglungkab.
Sa iyang Facebook post siya nipadayag “Pahimangno sa tanan magbinantayon ta kay nigara na ang mga kawatan karon bisan naa sulod sa compound sa simbahan among tindahan gilungkab gihapon.”
Iya kining gihimo aron masayod ang tanan nga nisiaw nasab ang mga kawatan. — MEL (BANATNEWS)
- Latest
