Paghawan sa karsada ug sidewalk gihimo sa siyudad sa Mandaue

CEBU, Philippines — Traffic Enforcement Agency of Mandaue kun TEAM pinaagi sa Mandaue City Enforcement Unit ug Traffic Operation Division, nihimo ug simultaneous road ug sidewalk clearing operation sa 27 ka barangay sa maong dakbayan.

Ang maong clearing operation giapilan kini sa mga barangay officials ug Mandaue City Police Office.

Matud pa ni Edwin Anthony G. Jumao-as, TEAM Executive Director, atol sa maong simultaneous road and sidewalk clearing operation, nakita ang pipila ka mga obstruction sa kadalanan.

Sumala pa ni Jumao-as, nga kadaghanan sa kalapasan mao ang illegal nga pag parking sa mga sakyanan ug mga estraktura nga ni extend ngadto na sa mga sidewalk.

Ang mga tawo nga responsable sa pagbabag sa agianan gihatagan na ug mga notisya ug giisyuhan ug citation ticket.

Sa nasayran ang maong clearing operation subay kini sa direktiba sa gipatuman nga Anti-Abuse on Roads and Sidewalks” City Ordinance #16-2022-1725 sa dakbayan sa Mandaue. —/MEL (BANAT NEWS)