Marcos nisentro sa food security; PRO-7 nipatuman og hugot nga seguridad

CEBU, Philippines —  Ang food security, poverty reduction, climate change pipila kini sa gisentro ni Presidente Ferdinand ‘Bongbong” Marcos, Jr. atol sa iyang pagpamulong sa gipahigayong  3rd APEC Business Advisory Council Meeting nga gipahigayon diha sa NuStar Convention Center sa South Road Properties kagahapon.        

Si Marcos isip pinasidunggang dinapit niabot diha sa convention center pasado alas 10:00 sa buntag diin ang maong kalihokan gitambongan sa 200 ka business leaders gikan sa 21 ka member economies nga nasud.

Gisentro kagahapon ni Marcos ang kabahin sa food security, poverty reduction, isyu sa global climate change ug ang programa sa seguridad sa rehiyon.

Gihangop sa presidente ang recommendation report sa ABAC sama sa digital technology, community engagement sa pagmugna og bag-ong merkado, agriculture innovation, adunay equitable growth ug pagpangita og mga pamaagi o exploration sa tinubdan sa renewable energy. Gipasalamatan ni Marcos ang kooperasyon sa business sector alang sa pagkab-ot ug paspas nga kalamboan.

Si Sabin Aboitiz, presidente ug CEO sa Aboitiz Group ug ABAC Ph member nagkanayon nga maayo na ang business climate sa rehiyon ilabi na sa Pilipinas human sa nasinati nga pandemiya.

Ang maong kalihokan sa ABAC III tak-opan kini ugma.

Kagahapon sa hapon, si Marcos nianha kini s Plaza Independencia alang sa pag-inugural sa National Museum Cebu diin ang maong kalihokan gitambongan sa mga lokal ug national officials.

Ang maong museum buksan kini sugod karong Agosto 1, 2023 o matag adlaw nga Martes hangtud sa Domingo ug libre kini ngadto sa publiko.

Nunot niini, walay mga kakulian nga natala ang Police Regional Office-7 sa pagbisita ni Marcos ingon man sa mga delegado sa ABAC. Matud ni Police Lieutenant Colonel Gerard Ace Pelare, tigpamaba sa PRO-7 nga napatuman nila ang security preparations gikan sa AFP, PNP, Local Government Units ug uban pa’ng government agencies.

Ang tanang venue nga adtuoan ni Marcos ingon man sa mga delegado hugot nga gibantayan og mga polis.

Magdepende sa Operations Division ang paglibkas ang full alert status sa kapolisan. BDB (BANATNEWS)