CCPO nangandam sa umaabot Barangay ug SK elections

CEBU, Philippines — Gipangandaman na sa Cebu City Police Office ang umaabot nga Barangay ug SK elections karon tuiga.

Kini ang gibutyag ni Police Colonel Ireneo Dalogdog, direktor sa Cebu City Police Office (CCPO).

Giklaro ni Dalogdog nga wala sila’y nadawat nga taho mahitungod sa posibleng problema sa mga dapit sa siyudad kalabotan sa peace and order. Matud ni Dalogdog nga hugot ang ilang pakig-alayon sa komunidad aron mamentinar ang kahapsay ug kalinaw ilabina sa mga dagkong kalihokan sama sa election.

Gibutyag ni Dalogdog nga magpahigayon pa usab sila og balik og tigom sa uban sa mga nagkadaiyang ahensiya alang sa pagpangandam pa sa nagsingabot nga eleksiyon. (BANAT NEWS)