Motor batok trisikol, usa patay
CEBU, Philippines — Usa ang patay ug tulo ang angol sa disgrasya sa lungsod sa Minglanilla kagahapon sa kaadlawon adlaw nga Domingo diha sa Brgy. Road sa Poblacion Ward.
Ang nakalas naila nga si Daisy Mae Oliman, menor de edad, residente sa Lower Pakigne sa maong lungsod kinsa nag-angkas sa motor nga gimaneho ni Mary Faith Procella, 20, kinsa naangol sab.
Samtang naangol sab sila si Johnel Paul Soriano, 37, residente sa St. Joseph Village, Tunghaan Minglanilla, drayber sa trisikol ug pasahero niini nga si Elwin Cosep, 41, taga Estaca, Tunghaan.
Base sa imbestigasyon ni Police Staff Sgt. Ferrante Ygot nagbiyahe gikan sa managlahi nga direksyon ang motor ug trisikol apan pagabot sa maong lugar nagkabanggaay.
Tungod sa kakusog sa pagbangga nakaangkon og mga kadaut ang mga biktima. Dali nga gidala sa tambalanan ang mga biktima apan nakutloan gayud sa iyang kinabuhi ang minor de edad.
Ang kapulisan padayon pa karon sa ilang pagpahigayon ug imbestigasyon may kalabutan sa maong insidente samtang ang uban biktima anaa pa sa tambalanan. (BANAT NEWS)
- Latest
