Kapitolyo mopaaspalto sa karsada sa U.N. Avenue

CEBU, Philippines — Nigama og kasabotan ang Probinsiya sa Sugbo tali sa Department of Public Works and Highways (DPWH) 6th engineering district kabahin sa pagpaaspalto sa Kapitolyo sa dalan diha sa U.N Avenue nga wala matapos og ayo tungod sa legal nga isyu tali sa DPWH ug sa contractor niini.

Si Garcia nangkanayon nga base sa taho kaniya sa DPWH adunay kakulian ang contractor nga niresulta sa pagsuspenso sa ahensiya sa pagpatrabaho sa maong proyekto.

Giingong ang contractor niadto sa korte diin nakakuha og injunction batok sa suspension nga giluwat sa DPWH. 

Matud ni Garcia nga usa sa solusyon sa DPWH mao ang pag-aspalto una sa maong dapit apan wala na kini pundo.

Kini ang hinungdan matud ni Garcia nga motabang ang Kapitolyo sa pag-aspalto isip “remedial measure” diin mogama sila og MOA.

“Remedial measures, we are not continuing the project, this is maintenance and remedial measure for that very dilapidated rod causing traffic, delay and a lot of negative first impression of our arriving tourist and other visitors”, dugang ni Garcia. (BANATNEWS)