Marcos imbetado sa Sinulog Festival 2023

CEBU, Philippines — Gibutyag ni Cebu City Mayor Michael Rama nga giimbitar niya si president elect Ferdinand Marcos Jr., alang sa pisikal nga pagpahigayon sa Sinulog Festival 2023.
Nasayran nga nagkahimamat si Rama ug Marcos sa usa ka pribadong okasyon didto sa kaulohan niadtong Martes sa gabii.
Wala pa hinoun gitino sa kampo sa presidente kon makatambong ba kini o dili sa maong kalihokan.
Malaomon si Rama nga tambongan kini sa bag-ong presidente sa nasud. Si Marcos nakakuha kini og dakong botos sa Dakbayan sa Sugbo sa niaging piniliay. Sayo pa, gipadayag ni Rama nga pangandaman sa siyudad ang pagbalik sa pisikal nga pagsaulog sa Sinulog.
Desidido si Rama nga idayon na ang taod-taod na niya nga plano nga anha ipahigayon sa South Road
Properties (SRP) ang Sinulog Festival 2023. (BANAT NEWS)
- Latest















