Usa ka lane sa karsada sa Minglanilla isirado

CEBU, Philippines — Gipanglantawan ang bagang duot sa mga sakyanan nga mag-bumper to bumper diha sa nasudnong karsada sa Lungsod sa Minglanilla karong kagahapon ug sa Biyernes Santo. Kagahapon ug sa Biyernes Santo ang karsada paingon sa habagatan sirad-an sa alas 2:00 sa hapon hangtud na sa alas 6:00 sa gabii.

Kini aron sa paghatag og kahigayonan sa prosisyon nga pagahimuon.

Si Francis Saguneza sa Minglanilla Traffic Commission (MITCOM) nipasabot nga ang karsada paingon sa Siyudad sa Sugbo ang bukas ug himuon kini nga two way traffic. Matud ni Sanguenza nga planohon sa mga motorista ang ilang pagbiyahe nianang mga adlawa aron dili matanggong sa traffic.

Samtang ang mga dagko nga sakyanan giabisohan na nga himuon ang ilang mga delivery sa sayo pa nga oras. Adunay diversion road nga magsugod sa Barangay Tungkop apan alang lang kini sa mga gagmay nga sakyanan.

Sa laing bahin, ang Cebu City Transportation Office nipasidaan sa mga motorista nga mobiyahe nga kanunay’ng i-check ang ilang mga sakyanan.

Ang CCTO nipahimangno usab sa mga mobiyahe nga doblehon ang pag-amping ilabi na karon nga nagsagunson ang mga pag-ulan diin dangog ang mga karsada.

Nunot niini, ang lapad nga pamalandong ug magsilbing inspirasyon sa kadaghanan maoy usa sa ipatigbabaw alang sa pisikal nga pagpasundayag sa Buhing Kalbaryo ugma.

Atol sa press conference kagahapon gipadayag sa creative ug artistic consultant nga nga si Jojo Labella nga gihulagway nila kini nga "Dula sa Pangamuyo".

Matud ni Labella nga angayan kini nga atangan gumikan kay dili basta-basta ang performance sa mga artista niini.

Gani ang mga karaang artista niini mao usab ang mga nagsilbing direktor nga naglangkub nila ni Joel Gallardo, Marcaine Ian Fuentes, Mark Rosales, Henry Neal Chavez, Clefren Dumaguit, ug Werner Lorenzo.

Karong tuiga mao ang ika-25 ka tuig na nga pagpasundayag sa maong dula sa entablado ug niabag usab niini ang kagamhanan sa Siyudad sa Sugbo. —Sanden J. Anadia/BDB (BANATNEWS)