Bag-ong polis sa Talisay gipaubos og seminar

CEBU, Philippines — Wa pa nagamit ang bag-ong mga polis nga gidestino sa Dakbayan sa Talisay tungod kay gipaubos pa sila og seminar. Suma pa ni Police Major Gerard Ace Pelare, pangu sa Talisay City Police Station nga gipaubos una niya og refresher seminar ang 53 ka bag-ong police tungod kay lahi ang assignment nila kaniadto ug madestino sa usa ka police station.

“Naa gyud alloted two days nga training before sa actual nga trabaho kay naa jud difference ang ilang assignment ug karon,” nagkanayon si Pelare.

Ang mga bag-ong sakop sa Talisay City Police gikan sa crisis response batallion.

Gidugang ni Pelare nga karon nga nagsingabot ang pasko makapaabot ang katawhan og mas daghan pa nga polis nga makita sa kadalanan.

Ang pwersa sa kapolisan sa Talisay niabot na og 118. — MEL (BANATNEWS)