Kanhi munisipyo sa Talisay dili pahilabtan ang estraktura

Cebu, Philippines — Usa ka ordinansa ang gipasar sa Dakbayan sa Talisay aron pormal nga ilhon ang Talisay City College nga mao ang tunghaan sa mga kabus.

Si Konsehal Gail Restauro mao ang nipapasar sa ordinansa nga nagtinguha usab nga dili usbon o hilabtan ang orihinal nga estraktura sa TCC nga mao kanhi ang munisipyo sa Talisay.

Kini tungod kay tipik ug kabahin na ang kanhi munisipyo sa historical site.

Ang paghatag og katungod sa TCC sa pag-okopar sa edipisyo mao sab ang usa sa mga gikinahanglan aron pormal nga matawag kini nga State College

Ang maong tunghaan gibana-bana nga aduna nay kapin sa tres mil ka mga tinun-an.

Prayoridad sa maong tunghaan ang mga Talisaynon nga kabataan apan mohatag sab og higayon alang sa kabataan nga gikan sa silingan nga lungsod ug siyudad.

Dako ang pagtuo ni Dr. Richel Bacaltos, presidente sa TCC nga ilhon na gyud sila sa sunod tuig nga State College. ( BANAT NEWS)