Sam-ang sa dakbayan sa sugbo gisugdan na og trabaho

CEBU, Philippines — Gitrabaho na sa kagamhanan sa siyudad sa Sugbo ang sam-ang nga tukuron diha sa Barangay Guba nonot sa kakuwang na sa menteryo nga kalubngan sa  mga nakalas ilabi na niadtong namatay tungod sa Corona Virus Disease (COVID)-2019.

Gitambungan sa mga kapitan sa mga bukirang barangay sa siyudad sa Sugbo ang konsultasyon nga gihimo sa Department of Environment and Natural Resources (DENR) ug mga miyembro sa Inter-Agency Task Force .

Samtang giklaro ni  Konsehal David Tumulak nga dili mass grave ang buhaton kundili usa gyud ka sam-ang diin adto ilubong ang mga namatay tungod sa covid-19 ingon man kadtong mamatay sa laing sakit ug kini tawgon nga Cebu City Botanical Memorial Garden

Ang maong sam-ang mahimutang diha   sa Sitio Katives, Barangay Guba, nga gipanag-iya sa siyudad ang moabot sa 30 ka ektarya apan gamiton lang ang  3 ngadto na sa 5 ka ektarya aron himoong memorial garden.

Hinoon way pagsupak ang mga residente sa maong dapit tungod kay aduna na man usab kini existing nga sam-ang nga nabutang panahon sa administrasyon ni kanhi Mayor Tomas Osmeña.

“This is not an ordinary cemetery nga usual nga makit-an nato sa mga menteryo nga daghan kaayo og mga cross, this is a memorial garden so panglubong ni sila daan with concrete to address also the concern kay basin unya og ma-contaminated ang atoang mga water sources ilawom sa yuta didto sa kabukiran so gi-sealed ni siya so safety gyud ni, ang tanang mga health protocols ato gihapon gituman well of course with the cooperation sa city health department ug sa department of health”, matod ni Konsehal Tumulak.

Sigon sa konsehal nga gihikay na karon sa City Government ang mga papeles nga gikinahanglan alang sa pagbutang og sam-ang sa lugar.

“So gihikay na karon ang mga papeles kay ang gikinahanglan nato ani is base on the recommendation sa Inter Agency Task Force gumikan sa pagsaka sa mga nangamatay dinhi sa siyudad sa Sugbo importante kaayo nga makaandam daan og menteryo kay the more nga dili ni malubong atong kaigsuonan makamugna naman hinoon kini og health hazard, peligro na hinoon kaayo ang panlawas sa atong katawhan kun ugaling dili ni malubong kining mga nangamatay suspected sa COVID-19 ug katong dili COVID”, dugang sa konsehal.

Nasayran nga si  Tumulak dunay proposed ordinance alang sa katukuran sa maong Cebu City Botanical Memorial Garden nga tukion sa umaabot nila nga session sa konseho sa dakbayan. /MEL (BANATNEWS)

Mga polis sa Talisay gipanghatagan og vitamins

Gabriel C. Bonjoc

CEBU, Philippines — Gawas sa mga pagkaon gipanghatagan og mga vitamins ang kapolisan sa Dakbayan  sa Talisay nga mipahigayon og mga checkpoints diha sa kadalanan.

Suma pa ni Police Major Gerard Ace Pelare, pangu sa Talisay City Police Station nga kini ilang gihimo aron magpabilin nga lig-on ang resistensya sa kapolisan taliwa ning pagkatap sa coronavirus disease.

Gidugang ni Pelare nga kada adlaw nga nagtrabaho ang kapolisan og way luna ang pagluya-luya.

Padayon ang ilang checkpoint sa kadalanan dungan sa pagrekorida ug paghatag ug pahimangno sa katawhan nga tumanon ang safety protocols aron makalikay sa covid-19.Matud pa ni Pelare nga 16 ka checkpoint ang ilang himoon sa usa ka adlaw.

Makita usab ang mga sakyanan  sa military nga kanunay nga maglibot libot sa syudad aron pagpakita sa katawhan nga seryoso ang mga otoridad sa pagdakop sa mga makalapas sa health protocols. /MEL (BANATNEWS)