PCG personnel nigahin sa ilang sweldo alang sa relief goods

CEBU, Philippines — Ang mga personnel sa Philippine Coast Guard Central Visayas pinaagi sa pakig-alayon sa PCGA 201st Squadron nigahin og tipik sa ilang sweldo aron ipamalit og relief goods alang sa mga naapektohan sa covid-19 pandemic.

Ang maong relief goods gilangkuban sa canned goods, noodles, tubig ug kape nga ipanghatag sa mga mananagat ug mga walay mga balay.

Kabahin kini sa commitment ug padayon nga effort sa PCG sa Centra Visayas pagtabang sa mga tawo nga naapektohan niining krisis nga giatubang karon.

“Parte na din po ng aming endeavor ay ang continuous relief assistance sa mga kababayan natin lalo na sa mga apektado. Ginagawa po natin ay kada sahod nag-aambagan po kami upang makabili po ng mga relief goods at maipamahagi po sa ating mga mamamayan na lubhang apektado ng krisis na ito”, matud sa tigpamaba sa PCG-7 Lieutenant Junior Grade Erick Salcedo

Si Salcedo nibutyag nga isip kabahin sa IATF-COVID 19 nagpahigayon sila og regular  nga coast ug seaborne patrol subay sa national ug local executive orders nga giisyu sa Local Government Units.

Gawas niini, gi-augment usab ang pipila ka coast guard personnel sa mga checkpoint uban ang LGU, PNP, AFP ug BFP ug aduna usab silay mga thermal guns nga gigamit sa checkpoints, nag-house to house usab sila uban ang LGUs ug kon magpatrolya susihon usab nila ang temperature sa mga nakahalubilo nila.

Gipaniguro usab nila nga dili malangan ang mga cargo vessel aron dili magproblema sa supplies sa Central Visayas. /BDB (BANATNEWS)