Mga buhatan sa Talisay gihatagan og sakyanan

CEBU, Philippines – Gipang apod-apod na ni Mayor Gerald Anthony “Samsam” Gullas Jr. ang mga bag-ong sakyanan ngadto sa mga departamento nga nagkuwang og sakyanan.

Si Gullas nagkanayon nga dili na maglisod ang mga kawani sa pag-adto sa mga barangay nga ilang hatagan og serbisyo tungod kay naa man silay bag-ong sakyanan.

Ang administrasyon ni Gullas nipatuman sa programa nga Aksyon Agad sa Barangay diin matag buwan magbalhinbalhin sila og barangay aron mapaabot ngadto kanila ang mga serbisyo sa city hall.

Si Gullas nihangyo nga ang mga sakyanan tarungon sa paggamit ug gamiton lang kini sa opisyal nga lakaw kalabot sa trabaho.

Matud ni Gullas nga walay mga pangalan sa politiko ang makita sa bag-ong sakyanan gawas sa sticker nga “How is my driving?” ug numero sa Aksyon Agad Hotline aron dali ra maka-report sa panghitabo ang katawhan.

“With my administration focused on promoting “Aksyon Agad,” I hope and pray that these vehicles will be instrumental to the offices that received them and make use of their new vehicles in reaching out to those living in the city’s far flung areas”, tipik sa pamahayag ni Gullas.

Ang mga sakyanan gigamit na karon sa mga kawani sa buhatan nga gihatagan niini. /BDB (BANAT NEWS)