Magpaabang og durugista apilon sa kaso
CEBU, Philippines — Lakip na unya nga pasakaan og kaso sa kapolisan sa Siyudad sa Talisay ang mga nanag-iya og apartment o paabangan kon ang ilang establisemento gihimong puy-anan og durugista.
Kini gipahibawo ni Talisay City Police Station chief PSupt. Marlu Conag, subay sa ilang mga nadakpan nga ang mga durugista diha mohimo og transaksyon sa giabangan nga apartment.
Matud niya nga lain-lain lang ang diskarte sa mga ilegalista apan sila naningkamot nga kini mangadakpan.
Iyang giawhag ang mga nanag-iya og apartment o paabangan nga dili kini basta-basta magpaabang sa mga tawo nga dili nila kuhaan og mga importanteng dokumento sa ilang pagkatawo. Kini aron masuta kon kini tarong ba nga tawo o ilegal ang binuhatan.
Apan kon padayon gani gihapon ang mga magpaabang nga dili mosuta sa tawo nga moabang sa ilang establisement, ila gyud kining pasakaan og kaso. (/DILT)(BANATNEWS)
- Latest
