3 pagka-mayor way kaatbang
CEBU, Philippines – Tulo ka lungsod sa Lalawigan sa Sugbo diin walay kaatbang ang magpapili sa pagka-mayor ug duha sa pagka-bise mayor sa umaabot nga eleksiyon.
Sa Lungsod sa Consolacion, si Konsehal Joannes Alegado ang magpapili sa pagka-mayor samtang ang inahan nga si Mayor Teresa Alegado sa pagka-bise mayor nga walay kaatbang.
Si Mayor Alegado anaa na sa iyang ikatulong termino isip mayor.
“Ang ganti ni sa pag-ampo nga naa lang unta tay kalinaw. Nga nakita nila nga atong serbisyo kinasingkasing. Wala sad ta nagpakasala sa katawhan ug sa Ginoo,” matud ni Alegado.
Matud niya nga sa ilang paglingkod sunod tuig, ipadayon gihapon nila sa iyang anak ang iyang nasugdan nga proyekto sa lungsod.
Si Alegado, niangkon sab nga nipili siya nga mobalhin og laing partido gikan sa Liberal Party alang sa Lungsod sa Consolacion.
“The relationship (with Davide) stays. But sometimes you have to look after your base, and my base is Consolacion. If I will not be under the ruling party, looy pud ko,” matud ni Alegado.
Samtang sa Lungsod sa Badian, ang incumbent mayor ug bise mayor nga si Carmencita Lumain ug si Fructoso Caballero pareho usab kining magpasubli nga walay kaatbang.
Si Medellin Mayor Joven Mondigo Jr. ang walay kaatbang alang sa pagpapili sa ikaduhang vv termino apan ang iyang runningmate nga si Konsehal Al Lim ang dunay kaatbang. (/GMR)(BANAT NEWS)
- Latest
