NAPOLCOM natagbaw sa agi sa PRO-7
CEBU, Philippines — Natagbaw ang National Police Commission sa gipakitang pagpakigbatok sa kriminalidad ug sa crime prevention sa kapolisan sa Police Regional Office-7 taliwala sa sunod-sunod nga patay sa Sugbo.
Gipadayag sa vice chairman ug executive officer sa NAPOLCOM, Rogelio Casurao, nga hayan mahukasan sa iyang police power si Cebu City Mayor Tomas Osmeña kun mapamatud-ang guilty siya sa pagpagawas sa tulo ka dinakpan sa Parian Police Station nga naaktuhang namaligya og butane canister nga gikargahan og Liquefied Petroleum Gas.
"The PNP in PRO-7 is doing very well especially that it's working very closely with our advisory group from the national level up to the municipal level. There is a very good implication that law enforcement is doing very well in PRO-7," matud ni Casurao sa iyang pagbisita sa Camp Sergio Osmeña Sr. kagahapon aron pagtambong sa pagbukas sa Crime Prevention Month.
Padayag ni Casurao nga lakip si Osmeña ang wala pay lig-ong ebidensya nga makasuporta sa pasangil niini nga may kalabutan ang kapolisan sa mga patay.
Matud pa niya nga aduna na silay giluwatan nga memorandum karon ngadto sa mga local chief executives nga mosumiter sa ilang crime statistics.
Kun masuta nga walay naabag nga suporta sa kapolisan ug uban pang law enforcement units ang maong lider, hayan makuhaan kini og police power.
Sa kaso ni Osmeña, namahayag si Casurao nga nasayud na siya sa reklamo batok sa mayor apan kinahanglan gihapon nga adunay igong ebidensiya nga niabuso gyud sa iyang gahum ang mayor.
Kinahanglan gihapon nga moagi og tukmang prosesso una libkasan ang pagtangtang sa police power. Sa laing bahin, gihangop sa direktor sa PRO-7, Chief Supt. Debold Sinas, ang gipahayag ni Casurao kabahin sa ilang agi.
"I'd like to thank my personnel for doing their job and doing their police works in order to attain and napansin ng NAPOLCOM and we are very happy with that," si Sinas nagkanayon. (BANAT NEWS)
- Latest
