Way drugas sa greyhound sa MCJ
CEBU, Philippines — Mga mahait nga hinagiban, lansang, toothbrush ug lighter ang nasakmit sa mga tinugyanan sa Bureau of Jail Management and Penology sa Mandaue City Jail kagahapon sa kaadlawon.
Matud ni Inspector Johan Alatraca, assistant warden sa MCJ, nga matag adlaw mopahigayon sila og kinaugalingon nga greyhound ug kagahapon ang ilang rehiyonal nga buhatan ang nipahigayon.
Sumala pa ni Alatraca nga adunay mga lansang tungod kay adunay naghimo og lawting nga kahigdaan ang mga piniriso tungod sa kahuot na sa prisohan.
Dugang ni Alatraca nga adunay kahapsay ang city jail human nawala ang giila nga big time drug lord nga si Steve Go.
Gitug-an ni Alatraca nga dili ra moabot og 200 ang ideal nga masulod sa ilang facility apan sa pagkakaron aduna nay dul-an sa 2,000 ka piniriso. (/GMR)(BANATNEWS)
- Latest
