Wa nay oras aron ipa-drug test ang mga kandidato

CEBU, Philippines – Gipahibalo ni Cebu City Office on Substance Abuse Prevention Chief Garry Lao nga wala nay oras aron mapaubos sa drug test ang mga kandidato sa SK ug Barangay Elections.

Si Lao miingon nga pabor siya sa tinguha ni PNP Chief Director Oscar Albayalde nga kinahanglan mapaubos og drug test ang mga kandidato kay angayan nga limpyo ug wala nalambigit sa illegal nga drugas ang mga gustong moserbisyo.

Apan matud pa niya lisud na kini ipahigayon karon dinhi sa dakbayan kay apiki na sa panahon. Gawas pa niini, nagtuo siya nga pipila lang unya ka buok ang moboluntaryo nga mopaubos sa drug test. (/IBM)(BANAT NEWS)