Dino mihagit kang Osmeña
CEBU, Philippines - Gihagit ni Presidential Assistant for the Visayas Michael Dino si Cebu City Mayor Tomas Osmeña nga ikiha iyang igsuon nga gitumbok sa mayor nga adunay koneksiyon sa kontraktor sa Cebu City Hillyland Dormitory.
“Let him file case. It’s his right to do so. As always he likes to play engineer even wants to play cop,” matud pa ni Dino.
Rason pa ni Dino nga ang 20- anyos nga condo nakasugakod og major earthquakes ug super typhoons unya nagpabilin lang kini gihapon hangtud karon.
“The project has undergone bidding. How can it be overpriced? These allegations are nothing but empty ramblings of a bully,” dugang pa ni Dino.
Sa nahinumduman, si Osmeña nibahad nga mokiha ni Allan Dino, igsoon ni Dino tungod kay matud sa mayor anomaloso ang pagpabarug sa upat ka andana nga condomimium nga naa sa Natalio Bacalso Avenue.
Ang nagpuyo sa maong condo nga kasagaran mga estudyante gikan sa bukirang mga barangay sa siyudad ug karon gipapahawa human adunay nakita nga sinkhole sa maong dapit.
(BANAT NEWS)
- Latest
