Nubain gipaslak sa kinatawo nasakpan

CEBU, Philippines – Usa ka babaye nga dalaw sa Cebu City Jail ang gidakop human kini nasakpang misuway pagpalusot og gituohang Nubain niadtong Sabado sud sa iyang kinatawo.

Ang gidakop mao si Irish Jane Valero, 31, nagpuyo sa Sitio Kalubihan, Banawa, barangay Guadalupe ning dakbayan nasakpan ni Jail Officer 1 Vanessa Ann Sinag human natagak ang gituohang nubain gikan sa kinatawo niini atol sa inspeksyon.

Si Valero mobisita unta sa iyang kapuyo nga napriso sa City Jail nga si Michael Sansan, 38, nga dunay kasong murder.

Si Cebu City Jail Warden Superintendent Johnson Calub maoy mi-report niini atol sa meeting sa Police Coordinating and Advisory Council kagahapon. – /EIM) (BANAT NEWS)