Manhunt sa Talisay shooters gimando ni Espina
CEBU, Philippines - Philippine National Police Officer-in-Charge Deputy Director General Leonardo Espina mimando sa pagsikop sa nahibiling mga suspek sa pagpamusil sa mga langyaw sa dakbayan sa Talisay.
Kini maoy gimando ni Espina kang Police Regional Office-7 Chief Superintendent Prudencio Bañas.
Matud pa ni Bañas dunay dili maayong epekto sa imahen sa Pilipinas ang nahitabo sa tulo ka mga langyaw diin ang usa namatay nga mao ang German nga si Henry Haffner nga usa ka relief volunteer atol sa pag-igo sa bagyong Yolanda, samtang ang duha mao ang French nga si Julien Jerome Mathieu Maillard ug Indian nga si Cheten Saparaiya.
Hinuon nalipay si Bañas nga nadakpan dayon ang tulo sa gibanabanang upat ka suspek, silang tanan gipasakaan na og kaso.
Sumala pa ni Bañas gimando ni Espina ang nationwide manhunt batok sa nahibiling gunman nga si Dexci “Tata” Gomonte ug sa uban pang posibleng iyang kauban.
Giangkon niya nga dili kalikayan nga dunay mga susamang mga krimen sa usa ka nasud.
“The community should volunteer the information at large, who knows kayo rin mabiktima, and kung mga witnesses will come out to help you,” sumala pa ni Bañas. (BANAT NEWS)
- Latest
