Duha ka “level 3” pushers nasikop
CEBU, Philippines – Nasikop sa San Nicolas Police ang duha ka gituohang “level 3” drug pushers atol sa duha ka operasyon niadtong nakalabay nga adlaw. Pasado alas 11 sa buntag niadtong Lunes, nasikop si Gregorio Abala alyas Regor, 42, ulitawo sa Barangay Suba, Cebu City.
Pinangulohan sa hepe sa San Nicolas Police nga si Chief Insp. Chuck Barandog, ilang gironda ang panimalay ni Abala diin nakuha ang duha ka medium size, pito ka gagmay nga pakete sa gituohang drugas ug mga drug paraphernalia.
Samtang pagka alas 3:50 sa hapon, nasikop usab si Rizalde Mondragon, 36, ulitawo sa San Roque, Barangay Calamba.
Nakuha sa kapolisan ang unom ka medium size, 10 ka gagmay nga pakete sa gituohang drugas ug mga drug paraphernalia.
Sigun pa sa kapolisan nga sa duha ka operasyon halos P100,000 nga kantidad sa drugas ang ilang nasakmit.
Gitanggong na si Abala ug Mondragon sa San Nicolas Police detention cell ug pasakaan sa tukmang kaso. – /GMR) (BANAT NEWS)
- Latest
