LBC branches inspeksyunon ni Romana
CEBU, Philippines - Bisitahon sa hepe sa kapolisan sa dakbayan sa Sugbo ang mga sangang buhatan sa LBC dinhi sa siyudad karong adlawa aron sa pagsusi kun gituman ba nila ang mga security adjustments nga ilang nasabotan.
Sumala pa ni Senior Superintendent Noli Romana, hepe sa CCPO, nga tumong sa iyang pagsuroy aron mahibaw-an kung nag-function na ba ang ilang mga closed circuit television (CCTV) cameras.
Matud ni Romana nga karong adlawa lima na ka adlaw ang milabay human sila ug ang mga branch managers sa LBC nagkasabot alang sa pag-improve sa ilang security measures.
Matud ni Romana nga di sila mapul-an sa ilang pag-monitor sa LBC aron mahibaw-an nila ang ilang buhaton sa mga weak points sa seguridad sa maong buhatan.
Matud pa ni Romana nga nagmabungahon ang training nga gihimo nila tali sa mga empleyado sa LBC.
Sumala pa ni Romana nga karon nakaangkon na og mas nindot nga panagsabot kung unsa ang krimen ug kun unsaon nila sa pagresponde niini.
Matud ni Romana nga ang kapolisan nagkinahanglan og impormasyon nga tukma sa oras.
Kahinumduman nga dihang gitulis ang LBC -Punta Princesa nilanat pa og 15-minutos una pa sila nakatawag sa kapolisan. (BANAT NEWS)
- Latest
