Kapolisan sa Borbon gi-drug test.
CEBU, Philippines - Gipaubos sa kinalit nga drug test ang hepe ug mga sakop sa kapolisan sa lungsod sa Borbon ubos sa kamandoan sa direktor sa Cebu Provincial Police Office kagahapon.
Kini human usa ka polis sa Borbon Police Station nga si PO2 Bernard Almeda ang naapil pagkasikop sa gihimong buy-bust operation sa Provincial Intelligence Branch .
Kalit nga miabot ang mga personnel sa CPPO sa ilang buhatan ug gipatawag ang 23 ka mga sakop lakip na ang hepe nga si Insp. Glen Devocion alang sa drug test.
Hinoon gipasabot ni CPPO Director Noel Gillamac nga wala’y nagpositibo sa kapolisan sa maong lungsod.
Matud ni Gillamac nga nagpakita kini nga bisan pa man nga pareho silang polis, dili gyud sila molaban hinoon andam sila nga mosilot kung makahimo og binuang.
Nagpasalamat hinoon si Gillamac nga wala’y nagpositibo sa maong drug test apan iyang gipasabot nga magpadayon gihapon ang ilang gisugdan na nga imbestigasyon sa maong kaso ni Almeda. (/GMR)(BANAT NEWS)
- Latest
