Kawatan niagi sa lubi-lubi
CEBU, Philippines - Milampos pagkuha sa mga mahalong gamit ang usa ka kawatan human nakasulod sa usa ka establesamento sa Capitol Site, dakbayan sa Sugbo niadtong Sabado sa kadlawon.
Buntag na nga nadiskubrehan sa usa ka Marvin Padica, 33, graphic artist sa maong establesamento, nga abli na ang usa sa mga bintana sa building ug nahanaw na ang mga mahalong gamit.
Kini naglakip sa Canon camera nga nagkantidad og P45 mil, HP laptop balor og P25 mil, 13 ka polo shirts kantidad og P2,500 ug kwarta nga P5 mil.
Matud ni PO1 Gerald Paul Cab sa Fuente Police Station nga nahinabi sa Banat News nga sa gihimo nga imbestigasyon sa kapolisan nasayran nga mikatkat sa lubi-lubi nga nagbarug duol sa bintana sa establesamento hinungdan nga milampos kini sa pag-abli sa sliding window sa taas nga bahin. (BANAT NEWS)
- Latest
