Puya napalgan baho na

CEBU, Philippines - Napalgang patay ang usa ka fetus sulod sa usa ka garbage bag pasado alas 10 sa buntag kagahapon sa Hillside Nasipit, Talamban, dakbayan sa Sugbo.

Si Fernandez Quillbio, 31, usa ka panday, taga Pagsabungan, dakbayan sa Mandaue, ang daling mireport sa kapolisan human iyang nakaplagan ang maong fetus.

Si Quillbio giingong gihangyo sa mga residente sa maong dapit nga ipalabay ang usa ka garbage bag nga nakit-an tupad sa poste sa kuryente gumikan sa kabaho sa sulod niini.

Matud pa ni PO3 Leroy Baguio sa Homicide Section sa Cebu City Police Office (CCPO) nga nagtoo ang mga residente nga patay lang nga iro ang naa sa sulod sa garbage bag maong daling gilabay.  (BANAT NEWS)