TF mitabang na ‘sab sa mga Tacloban typhoon victims
CEBU, Philippines - Ang The Freeman / Philippine Star Group of Companies mihatag kagahapon og hinabang-pagkaon, sama sa bugas ug uban pa, apil ang bottled water ngadto sa mga biktima sa bagyo’ng Yolanda nga taga Tacloban nga anaa sa Tent City sa South Road Properties (SRP).
Si Melandro “Bhoy†Mendoza, general manager sa The Freeman, personal nga mitunol sa hinabang ngadto sa mga biktima sa bagyo tungod kay wala kini mahurot sa mga gihatag na ngadto sa mga biktima sa linog sa Bohol ug sa bagyo sa Tacloban, Ormoc ug amihanang Sugbo.
Nahibaw-an hinoon nga wala magkaproblema og pagkaon ug ubang panginahanglanon ang mga bakwit nga taga Tacloban nga anaa karon sa SRP kay daghan kaayo ang gusto nga motabang kanila.
Gani dili basta-basta nga makaduol diretso ang mga “donors†ngadto sa mga biktima sa bagyo kay gihan-ay sa National Red Cross ang mga tawo nga gusto’ng motabang.
Matud sa mga Red Cross volunteers nga mas daghan g’yud ang mangabot aron motabang kun adlaw nga Sabado ug Domingo. Gawas sa mga pagkaon, ang The Freeman mihatag usab og mga T-shirts sa mga anak sa mga typhoon victims. (BANAT NEWS)
- Latest
