2 pulis positibo sa random drug test
CEBU, Philippines - Duha ka mga pulis ang nahagbong sa gipahigayong random drug testing human sila nagpositibo sa ginadiling drugas kagahapon sa buntag sa Cebu Provincial Police Office.
Apan si Cebu Provincial Police Office Director, Sr. Supt. Patrocinio Comendador nagdumili una sa pagluwat sa mga ngalan sa maong mga pulis kay wala pa man ang resulta sa confirmatory test sa ilang mga ihi.
Ang duha pulos nag-ranggo og Police Officer One, ang usa anaa madestino sa Provincial Police Holding and Administrative Unit (PPHAU) ug ang laing usa nadestino sa usa sa mga police stations sa habagatang Sugbo. Mokabat sa 50 ka mga pinili nga pulis ang apil sa drug test alang sa regular check up sa kapulisan sa probinsiya sa Sugbo.
“If the PNP is clean then it would create moral ascendency to the police,†matud ni Comendador kinsa mibutyag nga nakadawat siya og taho gikan sa intelligence operatives nga ang pulis nga anaa sa PPHAU tiggamitan og ginadiling drugas. Sa miaging buwan, ang CPPO mihimo usab og random drug testing apan kining maong pulis kalit lang nawala sa buhatan. Apan karon napugngan na kini nga makalakaw human namulong nga na-admit ang anak niini apan wala panumbalinga ni Comendador.
Tungod ini gi-disarmahan ni Comendador ang maong pulis sa issued 9mm nga pistol.
“Akong gi-disarmahan kay ang padulngan aning pusila posibleng magamit sa krimen,†matud niya.
Ang laing pulis nga nagpositibo mikuyog sa night watch patrol sa miaging gabii ug mao pay pag-abot alang sa attendance check dihang kini gipaapil sa drug test. (/EIM) (BANAT NEWS)
- Latest
