Buy bust 2 ka drug pusher sikop
CEBU, Philippines - Duha ka lalaki ang nasikop sa gipahigayong buy bust operation sa kapolisan didto sa sitio Kilawan, barangay Tanke, dakbayan sa Talisay alas 12:45 sa udto sa miaging Sabado.
Ang mga nagtingkagol sa Talisay City detention cell mao si Romelito Antica, 42, ug Alejandro Gabison, 36, pulos residente sa nahisgutang lugar.
Ang kapolisan nakadawat og report bahin sa ilegal nga kalihukan ni Antica hinungdan nga mipahigayon sila og buy bust operation batok sa suspetsado.
Sila si SPO1 Edgar Causon, SPO1 Benjamin Sebellita ug SPO1 Isaias Cabuenas migamit og P200 nga silbing paon o marked money.
Human itunol ni Antica ang usa ka paketeng shabu ngadto sa poseur buyer, bugti sa P200 nga bayad niini, gisikop dayon siya sa nahisgutang mga polis.
Apan sa samang higayon si Gabison kinsa diha sa maong lugar lakip kini nga gisikop sa mga polis kay naaktohan siya nga naghupot og usa ka transparent nga medicine kit.
Ang maong kit adunay sulod nga 29 ka gagmay nga triangular nga transparent plastic sachet nga gisudlan usab sa pinulbos nga shabu.
Gawas niini may laing 11 ka gagmay nga triangular transparent plastic sachet usab nga gisudlan gihapon og shabu granules.
Ang laing lima ka rectangular nga transparent plastic sachet gisudlan gihapon og shabu.
Ang duha ka mga suspetsado kinsa mihimakak sa pasangil batok kanila gitakdang pasakaan og kasong kalapasan sa Akta 9165 kun “comprehensive dangerous drugs actâ€. (BANAT NEWS)
- Latest
- Trending
