6 mil ka kawani misalmot sa earthquake drill
CEBU, Philippines - Subay sa selebrasyon sa National Disaster Consciousness Month (NDCM), gibana-banang 6,000 ka mga empleyado gikan sa nagkadaiyang komersyal nga establisemento sa IT Park sa Sugbo ang misalmot sa earthquake drill sa miaging Biyernes.
Ang maong drill gipangunahan sa Office of Civil Defense (OCD) isip chair sa Regional Disaster Risk Reduction and Management Council (RDRRMC) sa Central Visayas.
“Buildings at IT Park are high-rise structures so it is very necessary for the employees there to know what to do in case of an earthquake,†kini matud pa ni RDRRMC 7 chairperson ug OCD 7 Regional Director Minda Morante.
Gipasabot ni Morante nga ang maong drill makatabang sa pagpugong sa stampede atol sa emerhensya. Dugang pa ni Morante nga adunay mokabat sa 30 ka commercial tenants sa IT Park sa Sugbo.
Gipadayag ni Morante nga sa umaabot Hulyo 18 ning tuiga, laing earthquake drill na usab ang ipahigayon diin makabenepisyo kini sa dul-an sa 5,000 ka mga empleyado sa Cebu Business Park diin ang Ayala Mall nga usa sa labing dako nga shopping malls sa syudad sa Sugbo anaa makita haduol niining dapita.
“This is actually the second year that we are conducting the drill,†sumala pa ni Morante.
Gibutyag ni Morante nga susamang aktibidad usab sa disaster risk reduction ug crisis management ang ipahigayon unya ngadto sa tulo ka probinsya sa Central Visayas nga naglangkob sa Negros Oriental, Bohol ug usab Siquijor.
Ang Executive Order 137 nga giluwat ni kanhi presidente Corazon Aquino nagdeklarar sa buwan sa Hulyo isip NDCM sa tanang Filipino aron kahatagan og tampo ang mahitungod sa pagminus sa apektado sa katalagman. (BANAT NEWS)
- Latest
