4 angol sa panunggab ug pamunal

CEBU, Philippines - Mikabat  sa upat  ka tawo ang  nangaangol gumikan sa pagpanunggab ug  pamunal nga  nahitabo  sa nagkalainlaing  dapit  sa  lalawigan sa Sugbo  kagahapon.

Ang  mga  biktima  mao  sila  si  Justine  Embanat  Cagulada, 16; Aloysius Abaquita  Booc,  ug Aldrin  Pinote, 18; pulos  taga  dakbayan  sa Lapulapu; ug Ramilito Pahamutang, 42, minyo  taga  barangay  Tejero, dakbayan  sa Sugbo.

Si Cagulada  nga  taga  sitio  Iba,  barangay  Basak  syudad  sa Lapulapu naglakaw  pauli  sa ilang  balay  dihang  gisugat  kini  sa w ala  hiilhing lalaki  ug  gihansakan  sa kutsilyo  ang  iyang  bukobuko.

Gihatud  kini  sa  mga  nakasaksi  ngadto  sa Vicente  Sotto Memorial  Medical Center (VSMMC) sa dakbayan  sa Sugo  samtang  ang  miluba  kaniya  dali kaayong  miikyas.

Samtang  si  Pinote, nga  taga sitio  Sangi,  barangay  Pajo  dakbayan  sa Lapulapu  giunay  og  dunggab  sa iyang amigo  nga  si  Booc  nga taga  Humayhumay  Road,  barangay  Pajo, siyudad  sa Lapulapu.

Nasuta  sa kapolisan  nga   unang  gipusposan  ni  Pinote  og   botelya   ang  bagulbagol  ni  Booc  ug  gimikan sa kalagot   gilanit  ni  Booc  ang  iyang  kutsilyo  ug  gitusak  niini  ang  lawas  ni  iinote. 

 Samdan  sa tiyan,  bukobuko, bukton  ug  uban  pang  bahin  sa lawas  ni  Pinote  kinsa  gihatud  dayon  ngadto  sa VMSMC.

Samtang  si  Booc  kansang  bagol-bagol  hapit  moliki  giingong  didto  ra patambali  sa  Lapulapu  District  Hospital.

Si Pahamutang    giingong  giluba  ni  Rosaleo “Tata”  Consad, 56,  nga  silingan  sa  biktima.

Sa  imbistigasyon  sa kapolisan,  giingong  nakig-inom  si  Pahamutang  sa  iyang  mga  barkada  ug  pag-abot  sa suspetsado, wala’y  daghang  estorya  gihansakan  kini  sa   kutsilyo.

Samdan  si  Pahamutang  sa  iyang  walang  kilid  ug  gihatud  dayon  ngadto  sa Cebu City  Medical Center  samtang  padayon  pang  gipangita sa kapolisan  ang  suspetsado  kinsa  milayas  dayon  human s a hitabo. (BANAT NEWS)