PNoy mitagad sa mga tour guide

CEBU, Philippines - Gideklarar ni Presidente Benigno S. Aquino III ang ikatulong Lunes sa Hunyo matag tuig isip National Tour Guide's Day agi og pag-ila sa naamot  sa sektor sa mga tourist guide sa kalamboan sa turismo sa Pilipinas.

Gihangop  kaayo  kining  maong  balaod  sa  mga  tour  guide  sa Sugbo kinsa   makapahimulos  usab  sa  mga  giandam  sa kagamhanan  nga  mga  programa  alang  kanila.

Ang  Proclamation No. 574 nga  pirmado ni Executive Secretary Paquito N. Ochoa Jr. nagbatbat  sa kamahinungdanon  sa papel  sa  mga  tour  guide  sa nasud nga  nanukad  ug nagbase  sa  mga   dakbayan ug  lalawigan.

Pinaagi   sa Republic Act. No. 9593 or the “Tourism Act of 2009,” napausbaw   niini  ang  industriya sa turismo diin  ang  papel  sa  mga  tour  guide  gihatagan  og  dakong  pagtagad.                Gipasabot  niining  maong  balaod  nga  pinaagi  sa tour  guide  nadasig  pagbalik-balik  sa nasud  ang  mga  turista  nga isuroy  nila  ngadto  sa  mga  madanihon kaayong  mga lugar.

Ang  mga  bag-ong  turista,  ganahan  magbalik-balik  sa nasud  tungod  kay mawili  sila  sa kaanindot  ug  kamadanihon  sa  mga  talan-awon  sa  palibot  sa Pilipinas ug  ang  mga  naggiya  kanila  nga  mao  ang  mga tour  guide  nakatampo  og dako  niini, sumala  sa maong  balaod.

Busa  sumala  sa pamuno  nasud  nga  makatarunganon  lang  nga  angayang  hatagan  og  dakong  pagtagad  ang  mga tour  guide  pinaagi  sa pagpatuman sa "The National Tour Guide’s Day. (BANAT NEWS)