3 guns for hire gisubay sa Lauro ambush-slay

CEBU, Philippines - Tulo ka mga grupo sa gun-for-hires gikan sa probinsya sa Sugbo ang gitutukan karon sa kapolisan sa dakbayan sa Sugbo nga gituohang maoy responsable sa nahitabong pagpamusil patay sa kapuyo sa mayor sa Pio V. Corpuz Masbate niadtong Lunes sa kaadlawon diha sa barangay Tinago.

Si Sr. Supt. Mariano Natuel Jr. director sa Cebu City Police Office mipadayag nga gisubay karon sa City Intelligence Branch ug Investigation and Detective Management Branch  moabag sa Homicide Section sa pagsulbad sa maong kaso.

"As of now the Homicide Section of CCPO is tracking down the suspected gunman so duna tay tulo nga gitutukan nga mga grupo."

Usa sa saksi nga gisaligan sa kapolisan ang naangol nga konsehal nga si Lenny Eser nga kauban sa namatay nga si Crisanta Lauro.

Dugang pa ni Natuel nga adunay gipangbutyag nga vital information si Eser nga dili pa nila mabutyag karun  kalabot sa maong insidenti.

Gipadayag usab ni Natuel nga gawas sa personal ug political motive adunay napuno karun nga motibo nga ilaha usab subayon nga may kalambigitan sa negosyo si Lauro.

Matud pa ni Natuel nga tanang suod o nalambigit sa namatay nga si Lauro isipon nilang suspek hangtud nga di nila matumbok ang mga kriminal.(EIM) (BANAT NEWS)