One Strike Policy ipatuman sa MCPO sa tanang sakop
CEBU, Philippines - One Strike Police higpit nga gipatuman sa kapolisan sa dakbayan sa Mandaue aron mas hingusgan pa sa kapolisan ang kampanya batok sa illegal nga sugal nga naglakip sa suertres ,masiao ug Jai Alai.
Kini ang pasidaang gibuhian ni Senior Superintendent Petroneli Baldebrin, direktor sa Mandaue City Police Office (MCPO) sa iyang pagtambong sa session nga gipahigayon sa mga barangay kapitan niadtong miaging adlaw.
Matud pa niya nga ang pagsumpo sa tanang matang sa mga illegal nga sugal sa kabarangayan pagsanong kini sa giluwatang kamandoan ni PNP Director Nicanor Bartolome.
Gitataw niya nga ubos sa One Strike Policy taktakon ug ilisan ang hepe sa presinto nga walay dinakpang nalambigit sa ilegal nga sugal matag semana.
Si Baldebrin ug 27 ka barangay kapitan mipirma sa usa ka kasabutan nga ilang hingusgan ang kampanya sa tanang matang sa ilegal nga sugal. (Romeo T. Limpangog/EIM)
Tindahan girapido kagawad ug kustomer naangol
Ni Darrel Carumba
Naangol ang kagawad sa barangay nga nanag-iya og tindahan ingon man ang babaye niining kustomer human sila gisulong sa duha ka lalaki ug gipamusil samtang diha sa sulod sa tindahan niini sa barangay Rosario sa lungsod sa Aloguinsan niadtong Miyerkules sa alas 7:00 sa gabii.
Ang mga biktima mao sila si Leonardo Amnion, 54, kagawad sa maong barangay ug si Celirina Dela Cerna, 34, nagpuyo sab sa maong lugar nga dunay gipalit sa maong tindahan nianang tungora.
Gipangita pa sa kapolisan ang duha ka mga lalaking giingong maoy namusil sa tindahan sa kagawad. Matud ni Sr. Insp. George Macapobre, hepe sa Aloguinsan Police dihang nahinabi sa Banat News nakabantay pa ang duha sa pagpamusil ug nakahapa apan naigo gihapon sa walang paa si Amnion samtang naigo sa tiyan si Dela Cerna.
Ang duha ka mga lalaki daling mibiya sakay sa usa ka motorsiklo samtang gidala sa tambalanan ang mga biktima.
Personal nga bangi ang gitumbok nga motibo ang gisubay sa imbestigasyon sanglit nakaila man ang kagawad sa mga suspek. (BANAT NEWS)
- Latest
