Drug adik nga mga polis gukdon
- Lesley Caminade-Vestil () - January 25, 2011 - 12:00am

CEBU, Philippines - Human sa pagkadakop sa usa ka polis nga giingong nasakpang ‘misuyop’ og ilegal nga drugas si Chief Supt. Ager Ontog Jr. nangulo sa pagpailawom sa drug test kagahapon uban sa 100 pa ka mga polis diha sa Police Regional Office-7.

Matud pang Ontog nga ang drug testing gihimo na kaniadto pa ug gi-eskedyul nga himuon matag tulo ka buwan gitumong aron masakpan ang mga drug addict nga mga polis, samtang gitinguha usab karon ang pagpahigayon og random drug testing sa mga polis.

Niadtong Biyernes, usa ka pulis sa lungsod sa Minglanilla nga si SPO2 Roberto Canencia nadakpan ug gipasanginlan sa mga sakop sa Regional Anti-Illegal Drugs Special Operation Task Group (RAIDSOTG) nga ilang naaktuhang misuyop og ilegal nga drugas uban sa usa ka Joshuanie Tabla sa balay sa subject sa operasyon nga si Maritess Dalumpines sa dakbayan sa Danao.

Si Canencia nakuhaan og usa ka KG-9 sub machine pistol ug service firearm nga .38 revolver ingon man ang iyang uniporme nga gisulod og plastic sa balay ni Dalumpines.

Si Philippine Drug Enforcement Agency-7 director Adrian Alvarino sa pakighinabi sa Banat News miingon nga wala sila naka-monitor og polis nga gidudahang nalambigit o ba kaha protector sa mga drug personalities.

Apan giangkon niyang aduna silay gihimong counter-surveillance sa mga polis ug sa mismong ilang mga sakop sa PDEA kun nalambigit ba sa ilegal nga drugas.

Matud ni Ontog nga kadtong masakpang positibong tiggamitan og ilegal nga drugas dili siya magpanuko sa pagtangtang sa serbisyo.

Kabahin kang Canencia, si Ontog nagkanayon nga pasakaan og kasong kriminal ug administratiba ang maong polis nga labing menus nga silot kun mapamatud-an mao ang pagkataktak sa PNP ug pagkabilanggo.

Pasakaan usab si Canencia og illegal possession of firearms ug ammunition ug visiting drug den subay sa RA 9165.

Sa laing bahin si, Cebu Provincial Police Office director Sr.Supt. Erson Digal mibutyag sa mga tigbalita nga usa ka ‘escort’ ni Dalumpines si Canencia.

Sumala pa ni Digal, matag magdala si Dalumpines og ilegal nga drugas anaa kanunay sa kilid niini si Canencia isip escort.

Matud pa ni Digal nga kaniadto pa nga siya ang hepe sa Provincial Anti Illegal Drugs Special Operation Team (PAIDSOT) tuig 2007 nakadawat na sila og impormasyon kalabot ni Canencia.

Misuway usab og sulod si Canencia sa ilang grupo apan wala niya dawata hangtod nahimo nalang kini og detach service sa maong grupo.

Butyag usab ni Digal nga pipila ka operasyon sa PAIDSOT ang nabulabog ug negatibo ang resulta ug nagduda siyang tungod kini ni Canencia ilabi na kun si Dalumpines ang ilang target kaniadto.

Midugang si Digal nga aduna pay pipila ka polis nga nalambigit sa maong kalihukan ug ilaha na silang gipanid-an.

Gibutyag usab ni Digal nga si Dalumpines anaa sa ilang drug watch list isip level 2 drug pusher

Samtang gimandoan usab ni Digal ang hepe sa Minglanilla Police, Chief Inspector Laurel Almirante sa pagsumiter og explanation letter ngadto kaniya og kun nganong naabot sa syudad sa Danao si Canencia. (BANAT NEWS)

ADRIAN ALVARINO CANENCIA DALUMPINES DIGAL DRUG MATUD ONTOG POLIS
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with