Lapulapu police andam na sa eleksyon

CEBU, Philippines - Andam na ang kapolisan sa dakbayan sa Lapulapu sa umaabot nga eleksyon sa barangay karong Oktubre 25 niining tuiga.

Ang officer-in-charge nga si Senior Inspector Mariano Natuel sa Lapulapu Police Station nga nahinabi sa Banat News miingon nga gimonitor nila karon ang kabarangayan sa mainland ug sa isla sa Olango sa nahisgotang dakbayan.

Ang Police Station 1 nga nahimutang sa isla sa Olango nga gipangulohan sa iyang hepe nga si Inspector Damian Montebon milakip usab sa pagpaniid sa isla sa   Pangan-an ug barangay Caubyan.

Ang isla sa Olango gilangkoban sa 11 ka barangay nga maoy nahilakip sa area of responsibility sa Police Station 1 nga nagbase sa barangay Santa Rosa sa isla sa Olango.

Samtang ang 29 ka barangay sa mainland sa maong dakbayan gibantayan usab sa tulo ka mga police station. – BANAT NEWS