Comelec andam na para ugma piniliay...
CEBU, Philippines - Si Acting Election Officer Rudy Gilos sa Cebu City North District COMELEC-7 kagahapon mibutyag nga andam na ang tanan alang sa piniliay ugmang adlawa ug wala nay bisan unsang butang nga makababag sa pagpatuman niini.
Iya usab nga giklarong nahusay na ang mga kakulian nga nasinatian sa pipila ka mga Precinct Count Optical Scan (PCOS) sa dihang gisulayan kini didto sa kaulohan.
“The election will go on as scheduled, wa mi maghuna-huna nga aduna’y mga kakulian, as far as Cebu City Comelec is concern, optimistic ta para sa eleksyon,” matud pa ni Gilos.
Giangkon usab ni Gilos nga posible gihapong aduna’y aberiya nga mahitabo sa piniliay ugma apan dili tungod sa mga makinang gamiton, kun dili tungod sa dakong kalagmitang pangatake nga ilusad sa mga rebeldeng komunista nianang adlawa.
“Apan bisan pa kun adunay mga tawong nagplanong moguba sa eleksyon, di gihapon mahimong mag-manual ‘ta kay every 10 PCOS machines has an extra back up,” sumala pang Gilos.
Dugang pa niya nga dili angay nga kabalak-an ang maong piniliay kay gikahinaman kini sa tanan tungod sa ka-moderno sa mga kahimanan. (BANATNEWS)
- Latest
- Trending
