^

Banat Balita

Carbon Market gibisita ni Senador Legarda

-

CEBU, Philippines - Naukay kagahapon sa buntag ang mga manindahay diha sa Carbon Public Market sa dakbayan sa Sugbo tungod sa pagbisita sa usa ka kandidato pagka bise presidente sa nasud nga si Senador Loren Legarda nga ubos sa National People’s Coalition.

Si Legarda dihang nahinabi sa Banat News kagahapon mibutyag nga sa iyang plataporma gisentro niya ang kabahin sa pagtabang sa agrikultura ug climate change.

Samtang si Legarda misaad usab nga siya’y mohimo sa gihulagway sa mga vendors nga gipanaad kaniadto kanila sa kaatbang karon ni Legarda nga si Senador Mar Roxas nga pagpatukod og kaugalingon nilang edipisyong ilang kabutangan og stalls.

Usa sa mga tindera nga si Clarita Estrada mibutyag nga kaniadto gisaaran sila ni Roxas nga mohatag kanila sa maong edipisyo nga dili na kinahanglang morenta sila sa pwesto dihang misuroy si Roxas sa Carbon Market nga hinungdan nga gibansagan ang naulahi nga “Mr. Palengke.”

Si Legarda mibutyag nga ang agrikultura ug climate change dunay koneksyon, ang tanan maapektahan ilabi na ang mag-uuma, sunod nga gipanaad ni Legarda mao ang libreng tambal ug dili lang “baratong tambal” alang sa mga kabus nga walay ikapalit.

Samtang hatagan usab niya og importansya ang edukasyon dili lang libreng edukasyon kondili apil na ang maayong nutrisyon tungod kay bisan og libre ang edukasyon dili gihapon kini epektibo kun ang bata walay ikapamilite ug walay sulod ang tiyan.

Matud sa senadora nga bisan asang lugar nga iyang mabisitahan pili-on gyud niyang mobisita ngadto sa mga merkado publiko tungod kay diha makita o mabatyagan ang mga pulso.

Kagahapon si Legarda namalit usab og mga makaon ug iyaha kining gipanghatag ngadto sa mga batang naglibud-suroy diha sa Carbon Market. Sumala pang Legarda nabati usab niya ang kalagot ug kasagmuyo sa mga tawo ngadto sa mga politikong maayong mamolatik ug manaad apan walay napatuman.

Matud usab ni Legarda nga ang angayang pili-on sa katawhan kadtong mga kandidatong miagi sa kalisod ug miasenso tungod sa paningkamot dili kadtong mga kandidatong mga adunahan, hasyendero ug ‘mama’s boy.’

Dihang gipangutana kini sa Banat News kung ang iyang gipasabot nga ‘mama’s boy’ kun mao ba si Liberal Party standard bearer Senador Benigno ‘Noynoy’ Aquino.

 “Ang masasabi ko lang na sila ay hasyendero, kung sila’y totoong tao dapat pinamahagi na nila ang kanilang kayamanan na lupain sa mahihirap kung sila’y makamahirap, makatao, bakit sinasabi nilang ipapamahagi ang lupa nila sa limang taon?, E, tumakbo sila (pagkatapos) sa limang taon. Dapat ipinamahagi na ang lupa dati pa, 20 years na ‘yung CARP (Comprehensive Agrarian Reform Program)…Ang gutom na tao patay na in five years,” matud pang Legarda sa mga tigbalita.

Sa laing bahin, si Legarda nagkanayon nga hangopon niya kung i-endorso siya ni Gobernador Gwendolyn Garcia ug pamilyang Garcia. Si Legarda nagkanayon usab nga managsama ang ilang adbokasiya sa gobernadora ilabi na kabahin sa turismo ug kultura ug sa pag-atiman sa kinaiyahan ug agrikultura.

Gidayeg ni Legarda si Garcia tungod sa gipakita niining kakugi sa iyang trabaho alang sa kaayohan sa probinsiya sa Sugbo. (Brenda Batuto ug Lesley Caminade)

BANAT NEWS

BRENDA BATUTO

CARBON MARKET

CARBON PUBLIC MARKET

CLARITA ESTRADA

LEGARDA

SI LEGARDA

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with