Duha nga nang-vandal nasikop

CEBU, Philippines - Gidakop sa traffic enforcer sa dakbayan sa Mandaue ang duha ka mga lalaki kinsa ilang naaktohan nga nang-vandal sa daplin sa dalan sa UN Avenue paingon sa Marcelo Fernan Bridge nga migamit og pintal nga pula sa miaging gabii.

Ang duha ka dinakpan giila nga mao sila si Mark Zamora, 18, ug Rodel Ortiz, 18 nga pulos lumad nga taga Negros, samtang ang lain nilang kauban mikabad og dagan ug wala kini masikop sa kapolisan.

Si traffic enforcer Jay Barientos nga sakop sa TEAM ni Mayor Jonas Cortes maoy nakamatikod pagpamandal nga gihimo    sa mga suspetsado.

Ang ilang kaso nga atubangon mao ang bahin sa ilang paglapas sa ordinansa nga nagdili og bandalismo o paghugawhugaw sa kadalanan ug uban pang publikong lugar.

Sa pagkakaron tua magpahayahay sa prisohan sa Presinto 5 sa Opao Police Station ang mga dinakpan. – BANAT NEWS