Talisay police gipasidunggan

CEBU, Philippines - Mikabat sa 26 ka polis lakip sa hepe sa kapolisan sa dakbayan sa Talisay nakadawat og pasidungog gikan sa konseho sa maong dakbayan tungod sa dali nga pagsulbad sa kaso ni Padre Jovencio Rabusa kinsa gitulis ug gipatay diha sa south coastal road niadtong Hulyo 6, 2009 sa gabii.

Gipasidunggan niadtong Martes mao sila si Superintendent Henry Binas, hepe sa Talisay City Police Station ug ang iyang Deputy nga si Senior Inspector Isagani Abalo, SPO1 Oliver Dacua, SPO1 Margienette Yosores, SPO1 Arturo Andales, PO3 Rico Emperwa, PO3 Louie Mancio Alalim, PO3 Joel Rosales, PO3 Ferdinand Pablo, PO3 Eric Enad, PO3 Benjamin Sebelleta, PO3 Arnold Damasco, PO2 Roy Sarsaba, PO2 Roy Lofranco, PO2 Roelito Tano, PO2 Rey Bucao, PO2 Narciso Alforque, PO2 Lino Diez, PO2 Leandro Azarcon, PO2 Martin Gorosin III, PO1 Stephen Sefuesca, PO1 Reynaldo Hoybia, PO1 Neil Longakit, PO1 Marciano Parayday, PO1 Jundave David ug PO1 Erwin Denila.

Ang kamatayon ni Padre Rabusa nasulbad pinaagi sa pagkasikop dayon sa mga kriminal nga sila si Gerald Tradio, Roselo Ravanes , Jonas Turawan ug sa menor de edad nga si “Duka”. – BANAT NEWS