Talisay kuwang og garbage truck

Cebu - May kalangay karon ang pagpangolekta sa basura sa dakbayan sa Talisay kay lima nalang ang nagdagan nilang garbage truck.

Si Edwin Nierves kinsa maoy operation in charge sa Ecological Solid Waste Management Collection and Transport mibutyag kagahapon sa Banat News nga sa 13 ka mga garbage truck sa syudad ,lima nalay nagdagan niini kay nangadaot ang uban ug naglubog nalang karon sa motor pool.

Busa imbis walo lang ka oras   ang operasyon sa koleksiyon sa basura kaniadto, sa pagkakaron gihimo nang 24 oras, matud pa ni Nierves.

Giawhag ni Nierves ang mga opisyal sa barangay nga ilang bantayan pag-ayo nga dili magpasad ang basura sa ilang tagsatagsa ka lugar. – BANAT NEWS