Unom ka polis angol sa pinusilay

CEBU - Unom ka mga polis ang naangol usa niini kritikal ang kahimtang human nisukol ug nakigpinusilay ang mga armadong lalaki nga nisulong sa usa ka bus terminal didto sa lungsod sa Lingayen Pangasinan province kagahapon sa kaadlawon.

 Gipadayag sa hepe sa kapulisan sa Lingayen, Supt. Harris Fama, subay sa inisyal nilang report gikan sa mga saksi ang mga armadong lalaki gitakda na unta kining mosunog sa mga sakyanan sa maong terminal dihang naagi-an sa mga nagpatrolya nga polis.

 “Bubuhusan ng gasoline ang buses, bigla dumaan ang roving patrol. Binaril nila at nakipagpalitan ng putok ang member ng pulis,” dugang asoy ni Fama.

 Si Supt. Fama nipadayag nga dili muminos napulo niini ang armado og mugbo nga kalibre sa armas nga maoy misukol og nakigpinusilay sa mga polis nga niresulta sa pagka-angol sa unom niya ka sakop.

 Human sa mubo nga pinusilay nakahimo pa gyud og sunog ang mga armadong grupo sa lima ka mga bus diha sa terminal una pa nisibat pahilayo ug nakaangkon og third degree burn ang usa ka konduktor nga natulog sulod sa giparking nga bus.

 Hinoon nagdumili si Fama pagkonpirmar kun sakop ba sa mga rebelding NPA ang gika-engkwentro sa iyang mga sakop bisan pa og nipagawas na og inisyal report ang director sa kapulisan sa Region 1 nga si director Luis Tecman nga gidudahan niya nga sakop gyud kini sa rebelding NPA.

 Gawas sa unom ka pulis nga na-angol dunay lima usab ka bus ang gisunog sa mga armadong grupo. - Darrel a. Carumba (BANAT NEWS)