Koreyanong mga iligal tour guides gipanakop

Duha ka Koreano gisikop sa kapolisan sa Lapu-Lapu human kini malambigit sa hupo-hupo kun tour guide nga walay lisensiya didto sa Sitio Matumbo, Pusok, Lapu-Lapusa milabay’ng hapon.

Ang gisikop mao si Chung Kyung Hee, 31, ulitawo ug kasamtangang nagpuyo sa Marigondon, Lapu-Lapu ug si Go Sang Bon, 39, minyo ug kasamtangan nagpuyo sa Cabangcalan, Mandaue. Ang duha pulos Korean nationals.

Matud pa ni PO3 Rey Saenz ug PO3 Ismael Zerna sa Speedcops sa Lapu-Lapu nga ilang nakita ang duha ka mga Koreano nga mipahigayon og transaksyon sa ilang mga kadugo hinungdan nga ila kining gisita.

Gumikan sa kapakyas ni Chung ug Go sa pagpakita nga legal ang ilang pagka-tour guide ug kun may business ug mayor’s permit sila isip tourist guides, gisikop sila ug gidala sa Lapu-Lapu Police Station ug gibalhog sa selda.

Nasayran nga daghan ang mga hupo-hupokun ilegal nga tourist guide nga naglihok sa Lapu-Lapu.