Ang gitulis mao ang magtiayong Benidecto ug Mabelita Quitayen, pulos hingkod ang panuigon ug mga lumolupyo sa Santa Lucia, Asturias.
Nakuha sa tulisan gikan sa magtiayong negosyante ang ilang P7,000 nga salapi.
Sa asoy sa mga biktima ngadto kang Inspector Noli Cernio, hepe sa kapolisan sa maong lungsod nga gitionan silag armas nga mobuto sa wala hiilhing lalaki.
Mideklarar kining tulis dayong kuha sa ilang salapi ug pagkahuman ang wala mailhing lalaki mipahibalo pa kini kanila nga sakop sa NPA.
Si Insp. Cernio, miingon nga padayon pa karong naghimo sa ilang pakisusi.
Kini ilang higpit nga gihimo alang sa pagsuta kun tinuod ba nga mga sakop sa NPA ang nagtulis sa magtiayong negosyante.
Si PO2 Claro Hoyohoy sa Asturias Police Station nga gikahinabi sa Banat News miingon nga nagpadayon pa gihapon ang ilang pag-ila sa suspetsado.