Si Bucao kinsa maoy vice chairman sa Tripartite Industrial Peace Council (TIPC) sa Talisay City miingon nga bisan ingon niini ang kahimtang sa taga Talisay apan malinawon ang mga trabahante sa maong siyudad.
Gumikan sa mga pagtulon-an nga gipasunod sa TIPC ang mga ginagmay'ng suliran sa mga mamumuo dali ra kaayong mahilot nga dili na kinahanglang mosangko pa ngadto sa Department of Labor and Employment o National Labor Relations Commissions.
Matud pa ni Bucao maayong relasyon tali sa mga tag-iya o tagdumala sa trabahoan ug sa mga trabahante maoy gibantayan nila sa kanunay aron malinawon ang masigkapartido.
Hinuon gipaabot karon sa kagamhanan sa Talisay nga makasulod ang mga dagkong industriya aron nga makahigayon ang mga batan-on ilabina ang mga bag-ong gradwado sa kolihiyo, sa pagpanarbaho.
May mga gradwado nga nakasulod og trabaho sa mga buhatan sa gobyerno diha sa Talisay apan pipila ra usab sila og casual pa gyud.
Si Bucao kinsa mao usab ang presidente sa Talisay Chamber of Commerce and Industry nagkanayon nga padayon pa karon ang kagamhanan sa Talisay sa pagpangulitawo sa mga dagkong negosyante sa nasud aron motukod og negosyo sa maong dakbayan.